Фудбал
27. February 2017 - 17:58

Раниери замина, доаѓа Хидинк

Секогаш кога на некоја екипа и треба екстра опоравок тука е холандскиот стратег Гус Хидинк кој се споменува како нов тренер  шампионот на Англија – Лестер, соопштува локалниот весник „Тајмс“, повикувајќи се на свои неименувани извори.
 
Холандскиот стручњак не е заинтересиран за долгорочно враќање кон тренерската професија, но е подготвен да му помогне на Лестер да се спаси од испаѓање и да ја преземе привремено функцијата до крајот на сезоната. Во идентични ситуации Хидинк два пати го води Челзи.
 
Лестер бара нов тренер откако изненадувачки го разреши Клаудио Раниери, кој само пред 9 месеци ги изведе „лисиците“ до историска прва титула во Англија.
 
Во моментов привремено на чело на тимот е поранешниот помошник на Италијанецот – Крег Шекспир, кој ќе го изведе тимот во денешниот домашен дуел против Ливерпул.