Рахој ќе ја почитува секоја одлука на белгискиот суд во врска со Пуџдемон
Шпанскиот премиер Маријано Рахој денеска изјави дека ќе ја почитува секоја одлука на белгискиот суд во врска со барањето на Шпанија за екстрадиција на разрешениот каталонски лидер Карлес Пуџдемон и четворица негови министри кои се наоѓаат во Брисел.
Рахој на маргините на Самитот на ЕУ во Гетеборг рече дека почитувањето на независноста на правосудството и прифаќањето на судските одлуки претставува основен принцип на ЕУ и дека не би било добра идеја тоа сега да биде доведен во прашање.
- Од мене нема да слушнете, без оглед на тоа што и да се случи, ништо освен почитување на одлуките на правосудните институции во случај на екстрадиција, рече Рахој.
Белгиски суд денеска не донесе одлука за европскиот налог за апсење на разрешениот претседател на каталонската Влада, Карлес Пуџдемон, што го издаде Шпанија, соопшти неговиот адвокат Пол Бекерт. Белгискиот обвинител побара налогот да се спроведе, но одлуката за случајот ќе биде донесена следниот месец.
Белгискиот суд денеска првпат заседаваше за европската потерница за апсење на Пуџдемон, издадена од Шпанија.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри