Кошарка
7. December 2017 - 10:39

Работнички останува непоразен, голема победа над МЗТ

Кошаркарите на Работнички остварија победа во вечното кошаркарско дерби откако вечерва го совладаа првакот МЗТ Скопје Аеродорм на негов терен со 76:71. Ова беше последниот дуел од 8.коло од Првата лигата, а Работнички е единствената екипа со максимален учинок – осум победи. Резултат по четвртини: 17:15; 21:20; 20:19 и 13:22.

Кошаркарите на МЗТ Скопје на крајот на секој од првите три периоди имаа водство, но играчите на лидерот на табелата Работнички последниот период на овој неизвесен дуел го добија со девет поени разлика што се покажа како решавачко.

Најефикасен кај победникот беше Маркус Гинјард со 20 поени, додека Дамјан Стојановски реализираше 19 за МЗТ Скопје.

Работнички е прв на табелата со 16 бодови, пред Блокотехна со 15. МЗТ Скопје заедно со екипите на Карпош Соколи, Гостивар и Фени Индустри имаат по 13 бодови и се на делба од третото до шестото место.

Натпреварот имаше и хуманитарен карактер за помош собраните средства ќе бидат донирани за животната борба на поранешниот кошаркар на двата тима Стеван Гешовски.