Првпат во својата историја Романија ќе добие жена премиер

Романската телевизија „Реалитатја“ како неочекувана ја оцени номинацијата на 52-годишната Севил Шајдех за функцијата премиер на Романија.

Доколку тоа и се случи, за првпат во својата историја Романија ќе добие жена премиер и тоа муслиманка.

Севил Шајдех во 2015 година беше министер за регионален развој. Пред тоа, приближно две децении, таа работела во окружната администрација на црноморскиот град Констанца.

Севил Шајдех е омажена за сириски државјанин, додава телевизијата „Реалитатја“.