Први воздушни напад во Алепо од стратот на примирјето

Сирискиот град Алепо денеска беше цел на воздушни напади, први од почетокот на примирјето, кое стапи во сила во понеделникот, соопшти Сирискиот центар за мониторинг на човековите права.

Во соопштението се наведува дека цел на нападите биле населбите Карам ел Цабал, Карам ел Бик, Сакур и Шеик Кадар, но не се посочува кој ги извршил нападите.

Центарот наведува дека засега нема инфорамации за загинати или ранети при бомбардирањата.

Информациите за воздушни напади во Алепо доаѓаат по вчерашниот инцидент кога американски авиони од составот на меѓународната антиџихадистичка коалиција нападнаа, како што соопшти Пентагон по грешка, позиции на сириската армија.