Свет
1. December 2015 - 9:13

Прва медиумска средба на земјите од БРИКС

Во Пекинг започна првата средба на високо ниво на медиумите од земјите од БРИКС.

На средбата учествуваат директори на најголемите информациски агенции, телевизиски и радио компании, интернет портали и весници во Бразил, Русија, Индија, Кина и Јужноафриканската Република, во кои живее над 40 отсто од светското население. 

Медиумските шефови ќе разговараат за зајакнување на взаемното дејствување на медиумите од БРИКС во борбата против тероризмот, кризата во економијата, политиката на двојни стандарди и други сериозни предизвици, со кои се соочува светот.

Пред присутните се обратил Лу Јуншан, член на Постојаниот комитет на Политбирото при Централниот комитет на Кинеската комунистичка партија.