-->
-->
Прва лига: Победа на Карпош Соколи над Работнички
-->
Лидерот Карпош Соколи убедливо со 87:64 го победи Работнички во дерби натпреварот од 7.коло во Првата македонска кошаркарска лига одигран вчеравечер во арената „Борис Трајковски“ во Скопје.
За Карпош Соколи ова беше шестата победа, а за Работнички трет пораз во серија.
Гостинот од „Градскиот парк“ без репрезентативецот Бојан Трајковски беше рамноправен ривал само во првото полувреме кое заврши со 40:35, а во продолжението се беше во знакот на домаќините. Клучната предност кошаркарите на Карпош Соколи ја обезбедија во третата четвртина која ја добија со 22:12.
Во редовите на Карпош Соколи најзаслужни за новиот успех беа Глен Дендриџ со 23 поени, Дарко Соколов со 14 и Филип Шепа со 13 поени.
Кај поразениот Работнички двоцифрен број на поени постигнаа Виктор Крстевски 15, Стојан Ѓуровски 13, Димитар Мираковски Андреј и Цветковски по 10 коша.
Во првиот меч од оваа рунда, Кожув на гости беше поуспешен од Куманово со 83:80.
Утре играат Струмица – Фени Индустри, а в среда Бест – МЗТ Скопје Аеродром.
Табела: Карпош Соколи 13 бодови, МЗТ Скопје Аеродром 11, Кожув 11, Куманово 10, Работнички 10, Фени Индустри 9, Струмица 8 и Бест 6.
фото: www.basketball.org.mk
-->
-->
-->
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка