Свет
29. October 2017 - 11:37

Противници на независноста на Каталонија со протести во Барселона

Барселона се подготвува за нови протести против отцепувањето на таа покраина од остатокот на Шпанија во момент кога Каталонската цивилна асоцијација ги повика противниците на независноста да излезат денеска напладне на улици.

Според организаторите, цел на маршот е да се одбрани единството на Шпанија и да се отфрли „нападот без преседан во историјата на демократијата“.

Нивниот слоган е - Ние сме сите Каталонија. Здрав разум за коегзистенција.

Се очекува присуство на членови на централната влада во Мадрид и припадници на партии кои се залагаат за единство на државата. За денеска не се најавени собири на приврзаници на независноста на Каталонија.