Протести во Палестина: Најмалку 38 повредени, еден во критична состојба
Најмалку 38 лица се повредени кога израелските војници пукаа денеска во демонстранти во Појасот Газа и на Западниот Брег, кои се собраа по одлуката на САД да го признае Ерусалим како главен град на Израел.
Илјадници демонстранти излегоа на улиците на градовите Хеброн и Ал Бирех на Западниот Брег, викајќи „Ерусалим е главен град на Палестина", а некои демонстранти ги гаѓаа со камења израелските војници.
Израелските војници реагираа на провокациите со боева муниција и гумени куршуми. Со боева муниција повредени се 11 демонстранти, додека 20 се повредени со гумени куршуми, соопштија лекарите.
Палестинските власти повикаа на генерален штрајк во знак на протест против вчерашната одлука на американскиот претседател Доналд Трамп да го признае Ерусалим за главен град на Израел.
Палестинското Министерство за образование денешниот ден го прогласи за неработен, и ги повика наставниците, учениците и студентите да учествуваат во протестите во Западниот брег, Појасот Газа и палестинските квартови во Ерусалим.
Палестинците синоќа ги изгасија и сијаличките на новогодишната елка кај Црквата на Христовото раѓање во Витлеем, во знак на протест против одлуката Трамп.
Палестинската исламистичка група Хамас повика на ново востание - Интифада против Израел, откако американскиот претседател Доналд Трамп го призна Ерусалим за израелски главен град.
- Треба да упатиме повик и да работиме на започнување Унтифада против ционистичкиот непријател, изјави во Газа лидерот на Хамас, Исмаил Ханија, кој одлуката на Трамп ја нарече „објава на војна“.
Според него, таа одлука ставила крај на мировните договори од Осло и „го погребала мировниот процес на Блискиот Исток“
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање