Протест во Скопје за чист воздух
Под мотото „Излези за воздух“ попладнево пред Владата на РМ се одржа протест инициран од дваесетина граѓански здруженија и организации, со кој граѓаните реагираат на континуираното загадување на воздухот и високиот индекс на ПМ10 честички во Скопје, Тетово и во други градови низ државата.
Граѓаните носеа маски и транспаренти со пораки до надлежните. Бараат да се преземат конкретни мерки за да се спречи или да се намали загаденоста, да се дискутираат мерки на среден и долг рок за постигнување квалитетен воздух, а не само заклучоци какви што вчера донесе Владата.
Граѓанските организации поставија рок до 15 јанаури сите институции надлежни за справување со аерозагадувањето да донесат и да преземат конкретни пакет мерки, а доколку не се случи тоа најавија блокирање на улиците во градовите кои се најзагадени - Скопје, Битола и Тетово.
Владата вчера на вонредна седница донесе неколку заклучоци и препораки, меѓу кои до 4 јануари во Скопје и Тетово ослободени од работа да бидат бремените жени, лицата над 60-годишна возраст со респираторни и кардиоваскуларни заболувања, како и лица под 60 години со дијагноза астма и хронична опструктивна белодробна болест (ХОББ).
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка