Свет
29. April 2017 - 17:51

Протест во Москва против претседателот Владимир Путин

Илјадници приврзаници на опозицијата се собраа денеска на протест против претседателот Владимир Путин во Москва,  иако настанот беше забранет, пренесе ДПА.

При зголемено полициско присуство, демонстрантите се наредија во редица до канцеларијата на претседателската администрација, за да достават писма до Путин, во кои го повикуваат да не се кандидира за претседател на изборите следната година.

Организаторите од организацијата „Отворена Русија“ рекоа дека десетици луѓе се уапсени во слични протести во други големи градови на Русија.

Во Санкт Петербург се уапсени 30 лица.

Владимир Путин се уште  јавно не објавил дали ќе се кандидира за четврти мандат следната година, но многумина во Русија очекуваат дека тој ќе го стори тоа, пишува ДПА.