Просечната нето плата лани во декември 23.457 денари
Просечната месечна исплатена нето-плата по вработен во декември 2016 година изнесува 23.457 денари, а просечната бруто-плата 34.374 денари. Во декември лани 1,6 отсто од вработените во Република Македонија не примиле плата.
Според податоците на Државниот завод за статистика, просечната месечна исплатена нето-плата по вработен лани во декември е за 3,3 отсто повисока во споредба со истиот месец од 2015 година.
Зголемувањето се должи, на повисоката просечна месечна исплатена нето-плата по вработен во секторите: Уметност, забава и рекреација за 55,8 отсто, Информации и комуникации за 9,6 и Градежништво за 7,7 отсто.
Повисока исплатена просечна месечна нето-плата во споредба со претходниот месец има во секторите: Уметност, забава и рекреација од 48,2 отсто, Информации и комуникации 22,1 и Стручни, научни и технички дејности од 13 отсто.
Просечната, пак, месечна исплатена бруто-плата по вработен во декември 2016 изнесува 34.374 денари. Зголемување во однос на претходниот месец има во секторите Уметност, забава и рекреација од 38,5 отсто, Информации и комуникации за 20,3 и Стручни, научни и технички дејности за 11,2 отсто.
Просечната месечна исплатена бруто-плата по вработен, во декември лани во споредба со истиот месец од 2015 година е зголемена за 3,2 отсто.
Зголемувањето се должи на повисоката просечна месечна исплатена бруто-плата по вработен во секторите: Уметност, забава и рекреација за 45,1 отсто, Информации и комуникации за 9,8 и Градежништво за 8,2 отсто.
Ново на Сител
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та