Промоција на „Мојот непријател Итар Пејо“ од Калина Малеска
Во издание на ИЛИ-ИЛИ, вечер во клубот ГЕМ ќе се одржи промоција на новата збирка раскази на Калина Малеска „Мојот непријател Итар Пејо“.
За книгата ќе зборуваат писателката Оливера Ќорвезироска и професорот Зоран Анчевски.
Книжевната критичарка Ќорвезироска за книгата вели дека е одлична раскажувачка јас-точка на измислен лик сопoстaвен на Итар Пејо, целосно ги освојува читателските симпатии и на распнатото јаже помеѓу измислениот лик и неговиот „непријател“ - фолклорниот херој, еквилибристички вешто го движи исписот на новата можна книжевна вистина.
- Ништо веќе по „Мојот непријател Итар Пејо“ на Калина Малеска нема да биде како што беше со нејзините раскази, но и со приказните на Итар Пејо, зашто, кога и да ги слушнеме ќе знаеме дека еден фиктивен книжевен лик со заборавено име стои како глас и зад неа, но и зад Пејо, како негова заумна мисла, како сенка и како идеја за општа правда и праведност. Како осовременета книжевна вистина за фолклорното наследство, напиша Ќорвезироска.
Малеска е писателка, професорка по книжевност и книжевна критичарка. Ги напишала збирките раскази „Недоразбирања“ и „Именување на инсектот“, романите „Бруно и боите“ и „Призраци со срмени нишки“ и драмата „Случка меѓу настани“.
Ново на Сител
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО
-
Пожар на грчкиот остров Крит во близина на поморската база Суда, превентивно евакуирани населба, болница и училиште
-
Првите шест авиони „Рафал“ во Хрватска пристигнуваат оваа недела