Балкан
7. March 2016 - 15:44

Прогласена вонредна состојба во Србија, властите се подготвуваат за евакуација

Прогласена е вонредна состојба во 6 општини, а под вода се голем дел патишта, куќи, фабрики, училишта.
 
Властите се подготвуваат за евакуација на загрозеното население, јавуваат српските медиуми.
 
Поплавите се резултат на обилните количества врнежи.
 
Според српскиот сектор за вонредни ситуации, ноќеска паѓале околу 80 литри дожд на квадратен километар.
 
Директорот на секторот на српското министерство за внатрешни работи, Предраг Мариќ, изјави дека во тек е седница за прогласување вонредна состојба во Чачак и околината.
 
Што се однесува до остатокот од Србија, новото на водата расте во сите големи реки, но според Мариќ, тоа е во границите на редовната одбрана од поплави и тој не очекува поголеми проблеми.
 
„Последната информација е дека наврнале околу 80 литри на квадратен метар, додека прогнозата беше за максимални 50. Имаме ситуација на која предупредувавме. Тоа само кажува дека не може да им веруваме само на прогнозите, туку мора да бидеме и на терен да им помагаме на луѓето“, изјави Мариќ.