Свет
23. September 2016 - 20:12

Продолжува офанзивата на сириската армија во Алепо

Во бомбардирањето на позициите на сириските бунтовници во градот Алепо загинаа повеќе од 70 луѓе, а разурнати се најмалку 40 згради од утрово, изјави началникот на Цивилната заштита во Алепо, Амар ал Селмо.

Тоа е втор ден од интензивните бомбардирања во бунтовничките делови на градот откако сириската армија објави почеток на офанзивата за целосно преземање на Алепо, кој пред почетокот на војната беше најголем град во Сирија.

Сирската опсерваторија за човекови права соопшти дека нападите ги извршуваат хеликоптери на сириската армија и руски воени авиони.

Организацијата со седиште во Лондон додаде дека досега се убиени приближно 30 лица, меѓу кои и деца, а десетици се повредени.