Продолжија преговорите за формирање коалициска влада во Германија
- Демохристијаните на германската канцеларка Ангела Меркел, либералите и зелените денеска ги продолжија преговорите за формирање на владина коалиција во германија, откако синоќешните разговори не завршија со договор.
Трите партии се уште имаат несогласувања за политиката за климата и миграцијата, но се согласија да продолжат со преговорите и за време на викендот, односно по истекот на претходно одредениот краен рок.
- И покрај сите тешкотии одам на овие преговори со намера да ја исполнам задачата што ни ја поставија избирачите за формирање на коалиција, изјави Меркел пред да влезе на следната рунда од преговорите кои се водат во централата на нејзината Христијанско демократска унија (ЦДУ) во Берлин. - Ќе биде тешко, но вреди да се оди во втора фаза, рече таа.
Меркел ги повика учесниците во преговорите да вложат повеќе напори за надминување на разликите, за да можат да состават нова влада.
Лидерот на парламентарната група на ЦДУ во Бундестагот, Фолкер Каудер изјави дека тие се подготвени да направат уште отстапки за намалување на емисиите на електраните кои работат на јаглен, за да ја смират загриженоста на зелените.
- Чувствувам подготвеност од сите страни и сите треба да направат отстапки, изјави тој.
Германските аналитичари очекуваат разговорите да продолжат до недела попладне.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање