Пробиштип очекува над 10.000 гости на „Summer festival“
Пробиштип викендов очекува над 10.000 гости на фестивалот „Summer festival“ којшто четвртa година го организира општината.
Советникот за јавни дејности во општината Раде Илиевски на денешната прес-конференција рече дека за разлика од претходните фестивали, годинава имаат три фестивалски денови.
Фестивалот почнува в петок и таа вечер е резервирана за македонската музика од 80 –тите години.
- Гостин на вечерта ќе ни биде легендата Драган Б. Костиќ и Драган Мијалковски. Втората вечер ја започнуваме со Анета и Молика, потоа Викторија Лоба и на крајот завршуваме со Ареа, посочи Илиевски.
Тој истакна дека забава на фестивалот ќе има и во недела, а ќе настапат познати македонски музички групи и пејачи. - Третата вечер ја започнуваме со Антонија Ангеловска, ќе продолжиме со Андријана Јаневска, Тамара Тодевска и завршуваме со Нокаут, рече Илиевски.
Тој додаде дека фестивалот во Пробиштип е уникатен, бидејќи на него настапуваат само македонски групи и пеjачи со цел да се промовира македонската музичка сцена.
Фестивалот ќе се одржи на платото на градскиот пазар, каде што десетина угостители од Пробиштип ќе постават штандови.
Општина Пробиштип за реализација на фестивалот одвои еден милион денари од буџетот.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање