Признание за ЕОД тимот на АРМ за успешно уништената бомба во Штип
Припадниците на АРМ од тимот за уништување на неексплодирани убојни средства „ЕОД тим“ кои учествуваа во вчерашната акција за уништување на авионската бомба во Штип, денеска примија признание за успешно изведениот процес на планирање и безбедно извршување на задачата од командантот на Здружената Оперативна Команда бригаден генерал Зоран Милески.
- Да се изведе ваква прецизна и мошне опасна операција на уништување на неексплодирано средство со голема разорна моќ, потполно безбедно и без никакви последици за околината е доказ за високата стручна оспособеност на припадниците на АРМ од „ЕОД“ тимовите кои излегуваат во пресрет за учество во акции кои се од општ интерес кога тоа од нив ќе се побара, истакнал генералот Милески.
Како што соопшти Министерството за одбрана, вчерашната изведена операција е уште еден доказ дека „ЕОД“ тимовите на АРМ се стручно оспособени, не само за уништување на неексплодирани минско-експлозивни средства при вежбовните активности на АРМ, кои се во надлежност на АРМ, туку извршуваат вакви задачи и кога стручноста на припадници на овој тим е неопходна.
Тимот на АРМ предводен од потполковникот Љупчо Георгиевски, како што се наведува, пред уништувањето на авионската бомба низ сеопфатен процес ги согледал сите аспекти за безбедно изведување на акцијата при што имало и соодветни тестирања во објектот за делаборација на експлозивни средства во Еребино.
- Во текот на вчерашниот ден, во попладневните часови со употрба на најсоодветен третман без никакви последици за околината се изврши уништувањето на неексплодираната авионска бомба од Втората светска војна во околината на Штип, која подолг период претставуваше потенцијална опасност за граѓаните во околината на Штип, се вели во соопштението од Министерството за одбрана.
Уништувањето на 250-килограмската авионска бомба од страна на ЕОД тимот на АРМ е врз основа на барањето од Дирекцијата за заштита и спасување на Република Македонија.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација