Приведени над 30 лица на новите неодобрени протести во Москва
Московската полиција денеска на недозволени собири во престолнината уапси повеќе од 30 лица, само една недела откако ширум земјата избија антивладини протести, јави ТАСС.
Околу 20 лица се уапсени додека се обидувале да оддржат „опозициски марш“ до Тријумфалниот плоштад, додека 11 се уапсени на плоштадот Мањежни, во непосредна близина на Кремљ, се дознава од полициските податоци што ги пренесе руската агенција.
Полицијата ги растерала демонстрантите и во моментов тие си заминуваат, наведува ТАСС забележувајќи дека повеќето учесници во протестот се уапсени, додека некои одлучиле сами да го напуштат местото на собирање.
Полициското присуство денеска во центарот на Москва беше исклучително силно, при што пешаците на Црвениот плоштад можеа да влезат дури откако ќе минеа низ детектори за метал, додека полицијата го блокира плоштадот Пушкин, традиционалното место за собирање на демонстрантите, пренесиа американските медиуми.
Минатонеделните протести, во кои само во Москва беа уапсени повеќе од 1.000 лица, беа најобемните во изминатите неколку години, наведуваат американските медиуми.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација