Приватните гинеколози на средба во ФЗОМ
Менаџментот на Фондот за здравствено осигурување на Македонија попладнево ќе одржи средба со претставници на Здружението на приватни гинеколози на Република Македонија, информираа за МИА од ФЗОМ.
Од Здружението бараат зголемување на капитацискиот бод од 55 на 60 денари, бодот да биде според возраста на пациентката и да се дефинира пакетот на услуги кои ги покрива државата.
- Сите одлуки кои ќе бидат заеднички донесени ќе бидат навремено соопштени. Матичните гинеколози се најскапо платените специјалисти во Република Македонија, со просечна месечна исплата од 169.000 денари по тим. Колку за споредба, тоа е повеќе од 55.500 денари отколку што Фондот исплаќа на општ матичен лекар, соопшти ФЗОМ пред неколку дена во врска со барањата на Здружението на приватни гинеколози.
Од ФЗОМ наведуваат дека матичните гинеколози се важна алка во здравствениот систем, бидејќи се грижат за репродуктивното здравје на жените, а воедно се во помал број од предвидениот во Република Македонија.
- Фондот секогаш ги носи своите одлуки во интерес на своите осигуренички, а пред се, во насока на обезбедување квалитетна и навремена здравствена заштита, па така и овојпат, партнерски ги разгледува можностите за изедначување на капитацискиот бод за матичните гинеколози со другите матични лекари. Но, ова предвидува нови финансиски средства, посочија пред неколку дена од Фондот.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање