Притвор за Арнаудов и Мукоски
Судија на претходна постапка им изрече мерка притвор на пратениците Љубен Арнаудов и Крсто Мукоски, по извршениот распит во кривичниот суд во Скопје. По одлуката на судот, тие со лисици на рацете беа спроведени во Истражниот затвор Скопје.
Се очекуваат одлуки и за останатите четврорица пратеници кои утринава дојдоа на распит во судот за настаните во Собранието на 27 април. На распит во судот беа повикани Јохан Тарчуловски, Жаклина Пешевска, Сашо Василевски, Крсто Муковски, Љубен Арнаудов и Љупчо Димовски.
Пратеникот Кристо Мукоски пред влегување во судот кратко пред медиумите рече дека верува во судот и посочи дека нема правна основа да му биде определена мерка притвор. Пратеникот Сашо Василевски, пак на прашањето на новинарите што очекува денеска само кусо се заблагодари на поддршката од медиумите.
Тие се дел од 36-те лица кои Основното јавно обвинителство ги гони за „терористичко загрозување на уставниот поредок и безбедноста“, во врска со настаните од 27 април годинава во Собранието на Република Македонија.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари