Премиера на „Пепелашка“ во Театарот за деца и младинци
Премиерата на претставата „Пепелашка“ по Шарл Перо и браќата Грим, а во режија на Дејан Дамјановски вечер ќе биде изведена во Театарот за деца и младинци. Претставата е во рамки на 37-та манифестација „Скопско лето“.
Според директорот на Театарот за деца и младинци Братислав Димитров, претставата ќе биде вистински хит и ќе има долг живот.
- По сите знаци и параметри ова е одлична екипа на креативни луѓе, докажани и автори со голем театарски апетит и творечки потенцијал, рече Димитров на вчерашната прес-конференција.
Драматургот Горјан Милошевски информира дека ги искористил бајките на Шарл Перо и браќата Грим и мотивите од цртанот на Дизни.
- Ги испишав ликовите на мој начин. Ситуациите се развиени по моја визија и идеја. Пепелашка и Принцот не се безгласни. Тие не се само убави луѓе кои се заљубуваат еден во друг, туку имаат свој коментар и став, рече Милошевски.
Тој потенцира дека децата најважно е да имаат голема верба, надеж и љубов и да имаат свој став во животот.
За режисерот Дамјановски ова е трета претстава во Театарот за деца и младинци. Тој додаде дека изборот за „Пепелашка“ е личен и субјективен.
- Претставата или бајката „Пепелашка“ се базира на премисата-на добрите луѓе им се случуваат добри работи. Тоа е доста важен момент во денешно време, потенцира Дамјановски, додавајќи дека се работи за комплексен проект и солидна претстава.
Претставата трае околу педесетина минути и во неа играат единаесет актери. Играат Наташа Петровиќ, Ненад Митевски, Катарина Илиевска Силјановска, Емра Куртишова... Костимографијата е на Елена Дончева, сценографијата на Кирил Василев, а музиката на Сашко Костов.
„Пепелашка“ од септември ќе биде на репертоараот на Театарот за деца и младинци-Скопје.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово