Фудбал
30. December 2015 - 23:09

Премиер лига: Бентеке донесе нова минимална победа за Ливерпул

Втор натпревар од ред екипата на Ливерпул стигнува до победа од 1:0, а стрелец на голот на двата натпревара беше Кристијан Бентеке. По само 20-тина секунди од играта во вториот дел Ливерпул ја затресе мрежата на домаќинот Сандерленд. Ова беше последниот натпревар од 19.коло од Премиер лигата.

Ова за Ливерпул беше осма победа во шампионатот, додека Сандерленд е во серија од пет порази. 
Со новите три бодови Ливерпул се изедначи со по 30 бодови со Манчестер Јунајтед и се наоѓа на 7.место на табелата.
Сандерленд со 12 бода остана на 19.место на табелата.
Следното коло од Премиер лигата се игра во сабота и недела (2 и 3.јануари).