Преговорите меѓу Грција и кредиторите завршија без договор
Грција и нејзините меѓународни кредитори не успејаа да постигнат конечен договор по 17-часовните преговори, кои завршија рано изутринава, бидејќи двете страни не се согласиле околу спорното прашање за лошите банкарски кредити.
Консултациите ќе продолжат и денеска, а постои голема веројатност да се одржи и ново советување на грчкиот економски тим со премиерот Алексис Ципрас.
Според извори од грчкото Министерство за финансии, Атина и кредиторите постигнале согласност за измените поврзани со раководствата во банките и улогата на грчкиот фонд за финансиска стабилност, односно неговата рекапитализација.
Минатиот понеделник министрите за финансии од еврозоната на средба во Брисел соопштија дека очекуваат најдоцна на почетокот на оваа недела компромис за одобрувањето на 12 милијарди евра помош за Грција.
Ново на Сител
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња