Празник на франкофонијата во МКЦ
Со регионален форум, младинска изложба и концерт на францускиот поп пејач Шарл Батист, во Младинскиот културен центар денеска ќе биде одбележан Празникот на Франкофонијата, во организација на Францускиот институт во Скопје.
Регионалниот форум „Францускиот јазик, младите и можностите за работа“, како што е најавено, има за цел да го стави во фокус францускиот јазик како адут за професионалната иднина на младите во рамки на Балканот, но и да ги поврзе компаниите, институциите, универзитетите и училиштата во Македонија и во регионот.
Форумот опфаќа три тркалезни маси со учесници од Франција, Швајцарија, Бугарија и Македонија, на тема францускиот како јазик за меѓународна кариера, францускиот како јазик за вработување на младите и универзитeтски франкофонски програми достапни во Европа.
Во холот на МКЦ ќе биде поставена изложба на десетте најдобри учесници на фото натпреварот „Освен тоа, зборувам и француски!“, при што ќе бидат доделени наградите на тројцата млади автори на најдобри фотографии.
Вечерта во киното „Фросина“ концерт ќе одржи Шарл Батист, млад француски поп пејaч.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка