Пожарите во Црна Гора конечно ставени под контрола
Сите пожари во Црна Гора се ставени под контрола, иако и натаму тлее пожарот кај Забрѓа и Мркова, кај Херцег Нови.
Од Службата за заштита и спасување на Херцег Нови е соопштено дека нивните пожарникари голема помош добиле од канадерите од Хрватска, што, како што тврдат, биле поефикасни од противпожарните летала од Украина.
Активен е и пожарот на Видов врв, што зафатил непристапен терен, но не им се заканува на објектите.
„Во општините Тиват и Херцег Нови активни се пожарите на Коњевичи. На локациите каде претходните денови беа активни пожари се уште има активности, но ситуацијата е значително подобрена и е под контрола“, соопшти Директоратот за вонредни ситуации, пренесе РТЦГ.
Во текот на претходниот ден покрај воздухопловите од Украина, Швајцарија и Бугарија, во гасењето на пожарите беа вклучени и канадери од Хрватска, што делуваа во пограничниот појас меѓу Црна Гора и Хрватска.
Вчера попладне на тиватскиот аеродром слетаа уште два израелска авиона од типот„Ер Трактор“ што имаат капацитет на носивост од 3.000 кубици вода и веќе денеска тие ќе бидат ставени во оперативна употреба, наведе Директоратот.
Ново на Сител
-
Повеќе скопски општини без струја
-
ОБСЕ/ОДИХР ќе ги соопшти првичните оценки за изборите
-
30 години Тинекс
-
Силјановска Давкова победи во 60 општини, Пендаровски во 3, Османи во 15, Таравари и Димитриевски во по една
-
Силјановска Давкова и Пендаровски во вториот круг претседателски избори
-
Првични резултати на ДИК
-
Норвешка донира 76 возила на македонската Армијата
-
Димитриевски победи во Куманово, Таравари во Гостивар, а Јакимовски загуби во Карпош