Пожар беснее во складиште за муниција евакуирани 15 илјади лица
Голем пожар изби изутринава во складиште за муниција во градот Балаклија во Украина, поради што се евакуирани околу 15 илјади локални жители.
Како што јавуваат руските медиуми, пожарот најверојатно е последица на саботажа.
Тоа складиште за муниција е едно од најголемите во Хабровската област, а по пожарот, кој изби околу три часот по локално време, почнаа да одекнуваат детонации, поради што е прогласена зона за безбедност во радиус од седум километри.
Медиумите засега немаат податоци за човечки жртви.
Според податоците на украинското Министерство за одбрана, во тоа складиште се наоѓаат околу 138 тони муниција, меѓу кои најголем дел се тенковски и артилериски гранати од 125 и 152 милиметри.
Во Балаклија се отворени два евакуациски центра, а на местото на случувањата се упати и официјална комисија на Киев, која ја предводи заменик-министерот за одбрана Игор Павловски.
Шефот на военото обвинителство, Анатолиј Матиос напиша на својот профил на Фејсбук дека според прелиминарните резултати станува збор за саботажа.
- Државните погранични служби ја зајакнаа контролата на границата во југоисточниот дел на земјата, напиша тој.
На фотографиите објавени на социјалните мрежи, се гледаат илјадници автомобили заглавени во сообраќај, откако властите наредија евакуација.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово