Повеќето општини во Косово ќе добијат градоначалник по вториот круг
Во повеќето косовски општини ќе мора да се одржи втор круг, откако ниту една партија не успеа да доминира во првиот круг локални избори кој се одржа вчера. Изборите се сметаа за прв тест за новата Влада предводена од Рамуш Харадинај.
Во трката за Приштина, градоначалникот Шпенд Ахмети, кој доаѓа од партијата Самоопределување, не успеа да победи во првиот круг откако се соочи со силен предизвикувач од Демократската лига на Косово (ЛДК), Арбан Абраши. Ахмети освои 44 проценти од гласовите, недоволно за победа уште во првиот круг, а Абраши има 35,7 проценти.
Самоопределување има кандидати во вториот круг и во Призрен и Гњилане, каде повторно ќе има соочување меѓу Самоопределување и ЛДК. Трите владејачките партии од таканаречената „воена коалиција“ имаат кандидати во вториот круг во Призрен, Пеќ, Митровица и Ѓаковица.
Српската Листа очекувано доминираше во мнозински српските општини, во северна Митровица, Лепосавиќ, Звечане, Зубин Поток, Граѓаница.
Поранешниот премиер Иса Мустафа од ЛДК, партија која беше изоставена од формирањето на новата Влада, изрази надеж дека ЛДК ќе успее да освои половина од општините со албанско мнозинство во Косово. И од Демократската партија на Косово на Кадри Весели, која е клучен дел од „воената коалиција“, составена од партии предводени од команданти во војата во 1999 година, велат дека победиле на изборите.
Одзивот на изборите остана низок, како и на претходните парламентарни избори, со околу 43,7 проценти. Пред изборите, двајца активисти на српски партии беа притворени, а на денот на изборите косовската полиција запре камион во кој имало експлозив и неколку гранати додека влегувал од Србија во Косово. Три лица беа уапсени.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка