Потпишан договор за соработка меѓу УКЛО-Битола и Универзитетот „Аристотел“-Солун
Ректорите на Универзитетот „Св. Климент Охридски“-Битола и Универзитетот „Аристотел“-Солун, Сашо Коруновски и Миткас Периклес, потпишаа договор за билатерална соработка.
Договорот ги поттикнува културните врски меѓу Битола и Солун, како и возобновувањето на соработката на академски план, посочи Сашо Коруновски, ректор на УКЛО-Битола.
- Универзитетот „Аристотел“ од Солун е еден од клучните универзитети на Балканот и во таа смисла нашиот универзитет како помлад и помал, има што да научи но и да соработува како рамноправен партнер во претстојните проекти. Ние имаме искуство од оваа соработка низ веќе реализирани проекти, а сега се отвораат вратите за поинтензивна соработка, средби на студентите и размена на наставен кадар, истакна ректорот Коруновски.
Универзитетот „Аристотел“ од Солун е формиран во 1926 година и во моментов едуицира 70.000 студенти на 11 факултети со 40 отсеци во Солун и 1 отсек во градот Серез. На универзитетот застапени се сите степени на студирање, развиена е истражувачката дејност и притоа само во тој дел ангажирани се околу 3.000 млади научници.
- Договорот ќе се движи во насока на зближување и партнерски односи меѓу административните и академските кадри од двата универзитета. Тоа се надградува на постојните релации меѓу двата градови, Солун и Битола, и се надеваме дека оваа академска потврда на соработката ќе овозможи нова соработка преку развојни истражувачки проекти и најмногу од се, размена на кадри од двата универзитета, посочи ректорот Периклес.
Потпишувањето на договорот за билатерална соработка меѓу двата универзитета е во рамки на програмските активности на УКЛО посветени на јубилејот 1100 години од упокојувањето на Св. Климент Охридски
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање