Потпишан договор за инвестирање на германски ГЕС во Македонија

Нова странска инвестиција во Македонија, компанијата German Electro-Mechatronic Systems ќе изгради фабрика во зоната во Бунарџик вредна 15 милиони евра. 

Се работи за инвестиција која премиерот Груевски ја најави пред крајот на годината во интервју за Сител. Во фабриката за производтсво на ЛЕД светилки и соларни панели ќе се отворат 200 нови работни места.

Компанијата, чие седиште е во Германија, планира во Македонија да го пресели производството лоцирано во југоисточна Кина. Фабриката треба да биде готова до крајот на годината, а во неа ќе се развива и центар за истражување на нови технологии.

Со остварувањето на ветената инвестиција и рестатирањето на Порцеланка за два дена отпочна реализацијата на две нови инвестиции во кои ќе се вработат и земаат плата 1200 луѓе со што ќе се осигура нивната иднина и перспективата на нивните семејства, напиша премиерот Груевски на социјалните мрежи. Порача дека се остварува визијата на владата за нови вработувања, подобар животен стандард и развој на економијата и дека ќе продолжи работата на овие приоритети.