-->
-->
Пораз за кадетите од Бугарија на вториот тест
-->
Кадетската кошаркарска репрезентација на Македонија (до 16 години) е поразена од соодветната селекција на Бугарија во вториот пријателски натпревар одигран попладнево во Скопје.
Откако вчера избраниците на селекторот Горан Ѓеорѓиевски забележаа убедлива победа со 25 поени разлика, денеска Бугарите возвратија со победа од 21 поен разлика со 60-81 (по четвртини 20-21, 15-13, 12-19, 13-28).
Со само двајца расположени играчи во нападот Македонија и не можеше да се надева на позитивен исход во овој дуел. Адријан Наумоски со 14 и Дарио Митевски со 10 постигнати поени, беа единствените во нашата репрезентација кои средбата ја завршија со двоцифрен број на постигнати кошеви.
Вечерва нашите кадети ќе отпатуваат за Истанбул каде од сабота до понеделник ќе настапат на меѓународен турнир на кои ќе играат против селекциите на Грузија (два натпревари), Катар и екипата на Истанбул Баскет.
Инаку овие натпревари се дел од подготовките за настап на претстојното ЕП (Дивизија Б) кое во периодот од 10 до 19 август ќе се одигра во Софија, а на кое во рамки на групата Д, нашите кадети на за противници ќе ги имаат селекциите на: Португалија, Луксембург, Грузија, Велика Британија и со Косово.
-->
-->
-->
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација