Поранешниот претседател на Гамбија украл 50 милиони државни пари
Поранешниот претседател на Гамбија, Јахја Џамех украл најмалку 50 милиони долари од парите на државата, пред да биде сменет од власта, соопшти гамбискиот министер за правда Абубакар Тамбаду.
Според него, парите се извлекувани од земјата во периодот меѓу 2006 и 2016 година преку државната телекомуникациска компанија.
По ваквите откритија, Судот во Банџул нареди целиот преостанат имот на Џамех да биде замрзнат.
Во јануари годинава Џамех побегна во Екваторијална Гвинеја, по 22 години автократско и сурово владеење во земјата, откако лани во декември доживеа пораз на изборите со тесен резултат, но потоа одбиваше да ги прифати резултатите и да ја предаде власта.
Тој првично одбиваше да ја предаде должноста, но потоа се повлече од функцијата по испратена закана дека ќе биде соборен со меѓународна интервенција.
Според новите гамбиски власти, при бегството Џамех во еден изнајмен товарен авион со себе однел луксузни автомобили и други скапи предмети, што не се негови лични, туку и припаѓаат на дражавата.
Вредноста само на овие украдени предмети се проценува на 11 милиони долари.
Гамбија е мала западноафриканска земја која од три страни е заобиколена од Сенегал, но излегува на Атланскиот Океан.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација