Поранешен советник на Трамп ќе одговара пред Комитетот за разузнавање на Конгресот
Поранешниот советник на Доналд Трамп, во текот на предизборната кампања, минатата година, Пол Менафорт се согласил да биде испрашуван пред Комитетот за разузнавање на Конгресот на САД, околу сомничењето за врските на изборниот тим на Трамп со Русија.
Претседателот на Комитетит, Девин Нунес изјавил за американските медиуми дека Менафорт доброволно се понудил да учествува во новата истрага.
Нунес претходно „се судри“ со претседателот на САД, откако категорично изјави дека „немало никакво прислушување во Трамп Тауер“.
- Такво нешто воопшто не се случило, рече Нунес за домашните медиуми, додавајќи дека луѓето на Трамп веќе ги имаат симнато своите маски , додека биле надгледувани од странските лица.
Медиумите претходно открија дека Менафорт бил ангажиран од рускиот милијардер Олег Дерипаска, за да помага во кампањата за потребите на политиката на претседателот Владимир Путин.
Менафорт, кој ќе биде испрашуван околу овие тврдења во медиумите, веќе ги има демантирано таквите пишувања. Тој признава дека работел за Дерипаска, кој е близок сојузник на Путин, но се брани дека никогаш нема работено за руски интереси.
Во кампњата за номинација на Доналд Трамп, како републикански кандидат, за претседател, Менафорт работеше од март до август минатата година, кога мораше да поднесе оставка и да го напушти тимот на Трамп.
Оставката уследи откако медиумите открија дека до 2014 година, бил главен координатор на една тајна лоби операција во Вашингтон во корист на проруската, тогаш владејачка партија во Украина, а против опозицијата.
Претседателот на Комитетот Девин Нунес соопшти дека повторно на сослушување биле повикани генералниот директор на ФБИ, Џејмс Коми, како и шефот на НСА, Мајк Роџерс, за како што е речено, давање дополнителни информации, овојпат на затворени седници.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово