Поповски се сретна со претставникот за слобода на медиумите на ОБСЕ Дезир
Обезбедување независни, професионални медиуми и регулаторни тела е дел од демократизацијата на општеството и Република Македонија е на добар пат во обезбедувањето перспективи за медиумите, своите граѓани и државата.
Ова на денешната средба го констатираа министерот за комуникации, отчетност и транспарентност Роберт Поповски и Харлем Дезир, претставник за слобода на медиумите на ОБСЕ, придружуван од делегација на ОБСЕ.
На состанокот, како што информира владината прес-служба, е поздравена отвореноста на Владата за носење на новиот Закон за аудио и аудио визуелни медиумски услуги низ широка отворена експертска дебата со почитување на мислењата и препораките на ОБСЕ и на ЕК во делот на слободата на медиумите.
- Медиумите и новинарите имаат силна поддршка од новата Влада, која е цврсто определена кон слободата на изразување, професионално и објективно работење на медиумите и новинарите, без никакво политички влијание или притисоци, или насилство од каков било вид, како што беше тоа случај во претходните години. Посветени сме кон создавање услови за целосна независност и професионализација на јавниот сервис, МРТВ, како и целосна независност и ослободување од какви било можности за влијанија врз регулаторот, Агенцијата за аудио и аудио визуелни медиумски услуги, истакнал Поповски.
Министерот Поповски објаснил дека за сите случаи за напади врз новинари се води соодветна истрага и оти заложбата на МВР и на Владата е тие да се расчистат до крај.
На средбата се разговарало и за новиот предлог Закон за аудио и аудио визуелни медиумски услуги. Законот, како што се наведува, е направен по повеќе дебати со медиумската заедница и експертската јавност во земјава и е поставен на веб-страницата на Владата, каде што 20 дена е ставен на увид на пошироката јавност.
- Дотогаш ќе имаме уште еден состанок со претставниците од медиумската заедница, за уште еднаш да ги слушнеме забелешките, доколку има нови, а сериозно ги разгледуваме и насоките на ОБСЕ, што, исто така, се транспарентно поставени на веб-страницата на Владата. Потоа ќе излеземе со финален предлог текст до Владата за новиот Закон за аудио и аудио визуелни медиумски услуги, потенцирал министерот Поповски.
Дезир и делегацијата на ОБСЕ изразиле поддршка на заложбите на министерот Роберт Поповски кои, како што се наведува во соопштението, се определба и на премиерот Зоран Заев и на новата Влада, за отворената, транспарентна и отчетна работа и носење на законите, низ широка јавна дебата.
Ново на Сител
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница