Поповолна состојбата во преработувачката индустрија
Економската состојба на фирмите од преработувачката индустрија во јуни во однос на мај годинава била поповолна, а многу поповолна споредено со јуни лани, оценуваат раководителите на фирмите, кои очекуваат зголемување на бројот на вработени.
Како што објави денеска Државниот завод за статистика, според оценката на раководителите, индикаторот на доверба во преработувачката индустрија во јуни во однос на мај годинава е зголемен за 0,8 проценти, а споредено со јуни лани за 5,6 проценти.
Состојбата на обезбеденоста на производството со порачки во јуни во однос на мај е поповолна, очекувањата за обемот на производството во наредните три месеци се дека ќе се зголеми, а залихите на готовите производи сe намалени.
Просечното искористување на капацитетите на деловните субјекти во минатиот месец изнесува 64,6 проценти од нормалното искористување.
Најголемо влијание на ограничувањето на обемот на прозводството имаат: недоволната странска побарувачка со 23,7 проценти, недоволната домашна побарувачка со 16,6 проценти, недостигот на квалификувана работна сила со 14,1 процент и финансиските проблеми со 9,4 проценти.
Ново на Сител
-
Трет ден потрага по Данка, проверка на базните станици и телефоните на родителите
-
Хрватска: Наполитанки Кит Кат повлечени од пазарот
-
Две лица се приведени за убиството на лекарот во Железара
-
Се финализираат коалициите пред почетокот на кампањата за претседател следната недела
-
Во Собранието последна нова седница во овој парламентарен состав
-
Путин: Во Европа го плашат народот дека ќе ги нападнеме, сакаат да им ги земат парите
-
Четворица убиени, петмина избодени во напад во Илиноис
-
Руските сили гранатираа 17 населени места во областа Херсон, две лица загинаа