Македонија
3. December 2015 - 8:30

Попоски на министерски совет на ОБСЕ во Белград

Министерот за надворешни работи Никола Попоски ќе ја предводи македонската делегација на 22-от министерски совет на Организацијата за безбедност и соработка во Европа (ОБСЕ), кој ќе се одржи денеска и утре во Белград, Србија.

Министрите за надворешни работи на состанокот ќе разменат мислења за активностите на Организацијата во изминатиот едногодишен период, во рамките на српското претседавање со ОБСЕ. Воедно, се очекува да се усвојат и поголем број одлуки кои се во доменот на надлежностите на ОБСЕ, односно кои се однесуваат на неговите три димензии: политичко - воената, економско - еколошката и хуманата димензија.

Министерот Попоски во своето обраќање на министерскиот совет ќе ги претстави ставовите на Република Македонија.

На маргините на Советот, Попоски ќе оствари и поголем број на билатерални средби со своите хомолози.