Помош од Хрватско – македонска тангента за бегалците во Хрватска
Невладината организација Хрватско - македонска тангента, која е ангажирана за развој на односите меѓу Македонија и Хрватска, подготви хуманитарна помош за бегалците кои влегуваат во Хрватска преку Србија. Хрватска изминативе денови стана нова транзитна земја на балканскиот пат на бегалците, откако Унгарија воведе нови, построги правила за влез на нејзина територија. Илјадници бегалци од Блискиот Исток, кои претходно поминале низ Турција, Грција, Македонија и Србија, сега секојдневно влегуваат во Хрватска на заобиколен пат кон Унгарија или на пат кон Словенија, преку кои се обидуваат да дојдат до Германија.
Хрватско - македонска тангента информираше дека, со цел да им помогне на многубројните мигранти и на хрватските институции, обезбедила контингент помош за неколкуте прифатни центри за бегалци во Хрватска. Во пакетот помош има детска храна, хигиенски потреби и ќебиња.
- Нашата невладина организација покажа разбирање и капацитет и подари значителни средства за најзагрозените хрватски граѓани во текот на неодамнешните поплави во Славонија, што беше поздравено од хрватската јавност, а сега донира помош и за бегалците, вели новинарот Сашо Георгиевски, претседател на Хрватско - македонска тангента.
Оваа организација е формирана со цел да помогне за доближување на Македонија и Хрватска во културата, економската соработка, образованието и медиумите. Нејзини почесни членови се поранешниот претседател на Хрватска Иво Јосиповиќ, како и амбасадорите Данчо Марковски и Златко Крамариќ.
Ново на Сител
-
За брзо возење казни за 140 возачи на територија на цела држава
-
Најмногу дожд во Виница 32 литри на квадрат, најстудено на Попова Шапка минус три степени
-
ЦУК апелира на внимателност поради влошувањето на временските услови
-
Затворен аеродромот Манадо поради ерупција на индонезискиот вулкан Руанг
-
Надал: Нема повеќе да се натпреварувам во Барселона
-
Ред Бул има намера да го задржи Перез во 2025 година и да го врати Албон во 2026 година
-
Нов „Блек шарк“ прстен на „Шјаоми“
-
Стартува трката за пратеници, уште пет дена претседателска кампања