Полов напад врз малолетничка во Штип

СВР Штип поднесе кривична пријава против А.М. (22) од Радовиш поради постоење основи на сомнение за полов напад врз малолетничка која не наполнила 14 години. Средбата со малолетната девојка тој ја договорил преку социјалната мрежа Фејсбук. 

Полицијата соопшти дека на 15. овој месец во 11 часот, по претходно договорена средба преку Фејсбук, на ул.„Сутјеска“ во Штип, А.М. се сретнал со малолетната девојка. Потоа ја качил во својот автомобил „мерцедес“ и ја однел на штипската тврдина „Исар“, каде со употреба на физичка сила извршил полово дејствие.