Полицијата дојде до снимки кои ставаат крај на мистеријата: Што правел сопругот на Јелена кобниот ден?

 

Полицијата дојде до снимка од дворот на чичкото на Емина Јаховиќ, на која се гледа насипот кај Црвенка, каде се смета дека е убиена 33-годишната пејачка на Гранд. По овие снимки, полицијата ги зема и снимките од безбедносната камера на продавничката во близина.

 

На снимката од кобниот ден кога беше брутално убиена Јелена се гледа Марјановиќ како брзо вози со автомобилот. Снимките се дадени на понатамошни испитувања за да се утврди кој е убиецот.

 

Полицијата се сомнева и дека во убиството кое го потресе регионот е вмешана и жена, но засега поради успешноста на истрагата, не се откриваат повеќе детали.

 

Засега се извршени претреси во семејната куќа на Јелена, кај нејзиниот девер и кумата на семејството Марјановиќ.

 

На овој случај полицијата веќе три недели работи со полна пареа.