Почина поранешниот италијански претседател Чампи
Поранешниот италијански претседател, премиер и гувернер на Централната банка на Италија, Карло Аѕељо Чампи почина денеска на 95-годишна возраст, јавија италијанските медиуми.
Чампи, кој одигра клучна улога во вклучувањето на Италија во еврозоната, беше италијански претседател од 1999 до 2006 година, а пред тоа 14 години ја извршуваше функцијата гувернер на Централната банка на Италија. Во кус период меѓу 1993 и 1994 година Чампи ја извршуваше и функцијата италијански премиер. Согласно италијанскиот Устав, по истекот на претседателскиот мандат, Чампи стана доживотен член на италијанскиот Сенат.
По повод смртта на Чампи, италијанскиот премиер Матео Ренци оцени дека тој неуморно и посветено работел во интерес на Италија.
- Изразувам почит кон човекот кој и служеше на Италија со сета страст, напиша Ренци на Твитер.
Шефот на италијанската дипломатија Паоло Џентилони, изразувајќи сочуство по повод смртта на Чампи, нагалси дека тој бил „еден голем италијански државник“.
Засега се уште не е соопштено кога ќе биде одржан погребот на Чампи.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање