Почина пишувачот на лажни вести кој му „овозможи“ победа на Трамп
Водечкиот пишувач на лажни вести на интернет за време на минатогодишната претседателска кампања во САД, Пол Хорнер (38), кој тврдеше дека Доналд Трамп стана американски претседател, благодарение на него, беше пронајден мртов во својот дом на периферија на Феникс, а форензичарите сметаат дека „случајно се предозирал" со лекови.
Портпаролот на канцеларијата на шерифот на округот Марикопа, Марк Кејси изјави дека телото на Хорнер е пронајдено во креветот на 18 септември и дека од аутопсијата не се идентификувани никакви знаци на насилство.
Кејси рече дека Хорнер користел прекумерни лекарства кои се издаваат со рецепт со години.
- Доказите од лице место укажуваат дека ова може да биде случајно предозирање, истакна Кејси.
Хорнер беше познат по тоа што пишуваше лажни приказни и ширеше измама преку Интернет, кои честопати стануваа популарни на Фејсбук и со тоа успеваше да измами илјадници луѓе.
Една од лажните приказни беше и тврдењето дека, претседателот Барак Обама е геј и радикален муслиман, и дека на демонстрантите и се даваат илјада долари за да протестираат на митинзите на Трамп.
Хорнер, во минатогодишниот интервју за Вашингтон пост, изјави дека мисли дека Трамп влегол во Белата куќа благодарение на него, бидејќи поддржувачите на републиканците не ги проверувале сториите што ги пишувал пред да ги шират понатаму на социјалните мрежи.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово