Победа за коалицијата на аргентинскиот претседател Макри
Коалицијата предводена од реформскиот аргентински претседател Маурусио Макри победи на делумните парламентарни избори што се одржаа вчера, и со тоа го спречи враќањето на политичката сцена на поранешната претседателка Кристина Фернандез де Кирхнер, која го предводи перонистичкото движење.
Во најважната трка во регионот Буенос Аирес, Естебан Булрич, кандидат на коалицијата Камбиемос поддржана од претседателот Макри, освои 41,3 проценти од гласовите, наспроти 37,2 проценти за Кирихнер. Камбиемос победи и во важните региони Кордоба, Санта Фе и Мендоза. Но, особено поразот на Кирхнер во Буенос Аирес означува дека обидот за нејзино враќање на политичката сцена нема да оди лесно. Нејзината Партија на правдата, која е најголема партија во перонистичкото движење, се надеваше дека ќе успее да ја искористи старата слава на династијата Перон и да ги придобие Аргентинците кон ова популистичко движење како прв чекор кон евентуално враќање на Кирхнер на претседателската функција на изборите во 2019 година.
Аргентинците вчера гласаа за половина од членовите на долниот дом на Парламентот и за една третина од Сенатот. Според аргентинскиот политички модел, половина од Парламентот се менува на секои две години.
Ново на Сител
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите