Свет
26. July 2017 - 9:25

Побара духови да ги чуваат затворите: Тие не можат да бидат подмитени, и чинат само темјан!

Поради се поголемиот шверц на дрога по затворите, шефот на индонезискиот полициски оддел за борба со дрога, сугерира дека затворите ќе бидат чувани од духови поради тоа што тие не можат да бидат подмитени, јави ДПА.

Буди Васесо, шеф на Националната агенција за борба со швец на наркотици, вели дека 50 отсто од продажбата на дрога е контролирана од дилери од затвори, објави весникот Медиа Индонезија.

– Духовите не можат да бидат подмитени, и чинат само темјан, изјави тој иронично.

Во 2015 година Васесо сугерираше дека владата треба да изгради затвор на остров околу кој чќе бидат крокодили за да се заштити од евентуално бегство на дилери на дрога.

Минатата недела индонезискиот претседател Јоко Видодо нареди полицијата да пука во дилери на дрога доколку одбијат апсење. Откако Јоко ја презеде функцијата во 2014 година, во Индонезија се убиени 18 луѓе за шверц на дрога.