По масакрот во Тексас, САД ќе ја ажурираат листата на луѓе кои не смеат да купат оружје
Американскиот јавен обвинител Џеф Сешнс нареди да бидат ажурирани податоците во базата од која се утврдува кои лица не смеат да купат огнено оружје.
Одлуката доаѓа по масакрот во црква во градчето Садерленд Спрингс во Тексас, кога лица кое било избркано од американското Воено воздухопловство поради насилство сепак успеало да купи огнено оружје. Одлуката на армијата требало да биде внесена во базата на податоци со што би се спречила продажбата на оружје.
Според американските закони, лица кои се осудени за посериозни кривични дела и за семејно насилство, потоа лица кои имаат психолошки проблеми и зависности или биле избркани од армијата на САД, не смеат да купат оружје.
Но, овие списоци на податоци некогаш не се ажурирани, што се покажа фатално во случајот во Тексас. Убиецот во Тексас бил гонет за семејно насилство, бил пациент во психијатриска клиника и избркан од армијата, што значи дека неговото име требало да биде во базата на податоци по повеќе основи.
- Нападот во Садерленд Спрингс покажа дека неопходни податоци отсуствуваат од базата. Тоа е неприфатливо, изјави Сешнс. Во нападот беа убиени 26 лица, меѓу кои и деца, а 20 беа ранети.
Ново на Сител
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено