Фудбал
20. December 2015 - 17:34

Пеп заминува, доаѓа Анчелоти

Минхенски Баерн соопшти дека тренерот Пеп Гвардиола, по завршувањето на сезоната ќе го напушти клубот, а дека негов наследник ќе биде Карло Анчелоти. 
 
 
“Му благодариме на Гвардиола за она што го направи за нашиот клуб и се надевам дека и оваа сезона ќе имаме многу успеси. Анчелоти може да биде добар тренер за Баерн. Однапред се радувам на соработката со него“, изјавил за Bild, претседателот на Баерн, Карл-Хајнц Румениге. 
 
Гвардиола стана тренер на Баерн во 2013 година, а во својот мандат барем досега освои две титули во Бундеслигата и по една во Купот, УЕФА Суперкупот и на Светскоот првенство за клубови. 
 
Шпекулациите говорат дека Гвардиола од наредната сезона ќе го предводи Манчестер Сити. 
 
Анчелоти оваа сезона е без ангажман, откако замина од Реал каде мина две години. Во кариерата Анчелоти работел во Реџина, Парма, Јувентус, Милан, Челзи и ПСЖ.