Партиските преговори продолжуваат идната недела
Претставниците на политичките партии и денеска не постигнаа договор на преговорите што се одржаа во резиденцијата на Европската унија во Пржино во присуство на амбасадорите на ЕУ и на САД, Аиво Орав и Џес Бејли.
Американскиот амбасадор Џес Бејли по завршувањето на преговорите изјави дека бил постигнат извесен напредок и најави дека разговорите ќе продолжат следната недела.
- Имавме уште една добра сесија денеска. Постигнавме одреден напредок. Зборувавме за многу чувствителни прашања и одлучивме да им оставиме простор на партиите да размислат во текот на викендот. Ќе ги продолжиме разговорите следната недела. Останувам оптимист дека доколку постои политичка волја овие прашања може да се решат и дека Македонија ќе може да оди напред, рече Бејли.
Тој посочи дека заедно со евроамбасадорот Орав сакаат да видат напредок и оти остануваат оптимисти дека тоа сеуште е можно и затоа е важно, вели,да им се даде и малку повеќе време на партиите.
Партиските претставници, по завршување на средбата не дадоа изјави за медиумите.
Во оваа фаза од разговорите учествуваат Никола Тодоров од ВМРО-ДПМНЕ, Радмила Шекеринска од СДСМ, Артан Груби од ДУИ и Имер Алиу од ДПА..
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка