Парична помош од фондацијата „Браќа Џидрови“ за најбројното македонско семејство
Фондацијата „Браќа Џидрови“ му подари 1.000 канадски долари на семејството на Трпе и Ѓурѓа Апостолоски од Ново Село, Тетовско, кое има 12 деца.
Доделувањето на паричната помош, како што соопштија од Фондацијата, беше на одржувањето на „Гоце фест“ во Домот на АРМ во Скопје.
Наградата ја предаде членот на Фондацијата „Браќа Џидрови“, Славе Катин, а ја прими Стојко Стојаноски директор и сопственик на фирма од Вратница, Тетовско, каде Трпе Апостолоски работи. Лефтер Манче и пред неколку години му подарил 1.000 долари на ова македонско семејство со православна вероисповед, со најмногу деца во Република Македонија.
Фондацијата „Браќа Џидрови“, на 21 мај годинава, заедно со КУД „Гоце Делчев“ од Скопје ќе го организира првиот семакедонски фолклорен фестивал во главниот град на Република Македонија. Тоа ќе претставува подарок за младите фолклористи од егејскиот и пиринскиот дел на Македонија, од Мала Преспа и од Република Србија.
Фондацијата „Браќа Џидрови“ која е посветена на браќата Димитар, Стево и Харила од село Загоричани, Костурско, кои своите животи ги дадоја во Граѓанската војна во Грција, ја започна својата дејност на 19 февруари годинава. Основач на Фондацијата е нивниот брат, д-р Лефтер Џидров-Манче од Отава, Канада, кој е светски естетски хирург и еден од најистакнатите донатори во македонската дијаспора чиј добротворни дела се добро познати меѓу Македонците во сите делови на Македонија.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка