Свет
7. December 2016 - 17:33

Папа Франциско: Денешна Европа нема лидер кој гледа кон иднината

Во Европа денес нема лидери кои гледаат кон иднината, изјави папата Франциско во интервју за белгиско католичко списание, при што изнесе пофални зборови за повоената генерација политичари, кои ги поставија темелите на ЕУ.

Папата смета дека францускиот политичар Роберт Шуман, италијанскиот Алчиде Де Гаспери и германскиот Конрад Аденауер вистински работеле на европското единство, гледајќи во него начин кој ќе овозможи „повеќе никогаш да нема војна“.

- Но, по нив денес веќе нема лидери, а Европа има потреба од лидери кои гледаат во иднината, оцени поглаварот на Римокатоличката црква.

Папата Франциско повтори дека е загрижен, бидејќи смета оти „делумна трета светска војна веќе се случува“ со судирите во Украина, на Блискиот Исток, во Африка и Јемен.