Балкан
27. February 2016 - 9:49

Пахор: Парламентот да каже колку мигранти можат да влезат

Словенечкиот претседател Борут Пахор предложи на Парламентот да одреди максимален број мигранти кои Словенија би можела да ги прими, соочена со протестите во повеќе словенечки градови против мигрантите, јави Танјуг.

Пахор за Словенечката телевизија изјави вчера дека е потребен толерантен, но и отворен дијалог меѓу владата и опозицијата, но и „многу трпелива комуникација“ со општините во кои владата планирала да ги смести имигрантите, за да Парламентот одреди колку Словенија најмногу е подготвена да ги прими барателите на азил и каде тие ќе бидат сместени.

- Стравовите и тешкотиите доведуваат до нетолеранција. Ксенофобијата е недозволива и јас повикувам на толеранција, но луѓето имаат право да размислуваат со своја глава, рече Пахор, пренесува Хина.

Пахор во изминатите неколку дена медиумите и луѓето блиски на владата го прозиваа да не реагира на случаите на нетолеранција и говор на омраза на протестните собири против мигрантите.