Пациентите кај матичен лекар ќе пополнуваат прашалници за самопроценка на депресија
Прашалник за самопроценка на депресија од денеска ќе пополнуваат пациентите кои ќе го посетат својот матичен лекар. Одговорите на прашањата ќе покажат дали кај пациентите постои психичко, социјално и професионално нарушување во континуитет од две недели.
Станува збор за активност која Здружението на лекари по општа медицина-семејна медицина, ја спроведува во рамки на одбележувањето на 19 мај, Светски ден на семејните и општи лекари, кој годинава се одбележува под мотото „Депресија - Ајде да зборуваме”.
Целта е, посочуваат од Здружението, да видиме дали ќе успееме да детектираме пациенти со знаци на депресија, а скорот кој ќе го добиеме ќе ни укаже дали се работи за лесна, тешка депресија или депресија која има во своето навестување и суицидален карактер.
Од Здружението информираат дека пациентите кои се сомневаат дека страдаат од депресија треба да побараат помош кај својот матичен лекар и да почнат да разговараат за овој проблем, затоа што депресијата може да се лекува. Довербата која ја има пациентот во својот матичен лекар е еден од главните услови за рана детекција, препознавање, дијагностицирање и навремено лекување.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово